Job 17

1 ‘Ka lungsim kitamkham a,
ka nite kitomsakin hankhuk in
kei hong ngak ta hi. ^a
2 Mi zahkohte in hong umcih taktak uh hi;
amaute hong langneihna mitkhah loin ka en pelmawh ding hi. ^b
3 Pasian aw, nong kalh kiciamna hong pia in. ^c
Kua dangin kei adingin bitna hong piaksak ding hiam? ^d
4 Amaute theihtelna lungsim na khaksak hi; ^e
tua ahi ciangin amaute na gualzosak kei ding hi.
5 Mi khat in pahtakman a deih manin ^f
a lawmte a lehbawl leh ama tate mit in khua a mu kei ding hi. ^g
6 “Pasian in mi khempeuh tungah thusia gentehna hong suaksak khin a; ^h
tua mite mai-ah kei hong kicilphih hi. ⁱ
7 Ka dahna hangin ka mit maang a; ^j
ka guhteng khempeuh niliap bang hi. ^k
8 Mi thutangte in lamdang sa uh a;
a pasian-milote langah mawhpengte a ding uh hi.
9 Tua hi taleh a thumaante in amau lampite lenkip ding uh a,
amau khut siangthote a thahat toto ding hi. ^l
10 “Ahi zongin na vekun hong pai dih un, hanciam lailai un,
no lakah mipil ka mu kei ding hi. ^m
11 Ka nite bei ta in, ka ngimnate maimang ta a,
ka lungsima ka lunggulhnate om nawn lo hi. ⁿ
12 Hih mite in zanhun sun suaksak uh a; ^o
amaute in khuamial lakah, ‘Khua vak dek ta hi’ ci uh hi. ^p
13 Ka inn dinga ka lamet hankhuk ^{▼▼17.13 Hebrew in Sheol} hi-a, ^r
khuamial lakah ka lupna phahin ^s
14 siatna kiangah, ‘Ka pa na hi hi,’ ka cih a, ^t
thante kiangah, ‘Nu aw, ahikeh sanggamnu aw,’ ka cihleh ^u
15 ka lametna koi-ah om lai hiam?
Kua in kei ading lametna mu thei lai ding hiam? ^v
16 Sihna ^{▼▼17.16 Hebrew in Sheol} kongpite ah a paisuk diam? ^x
Leivui lakah i tuaksuk khawm diam?” a ci hi. ^y